Category :Ráðgeving

50.000 áskoðarar til mótakapping í Østrøm

Stúgvandi full høli á Østrøm til mótasýningina leygarkvøldið. Stúgvandi full høli til framløgurnar fyri dómsnevndini leygardagin, og ein sonn success á online miðlunum. Hetta var úrslitið, tá Nudlavirkið tók sær av at marknaðarføra og dokumentera stóru norðurlendsku sniðgevarakappingina Blue Fashion Challenge.

Tilsamans 14 videoir og 140 myndir vórðu lagdar á Facebook síðuna hjá Nora, og bæði føroyingar og umheimurin fylgdu við.

50.200 fólk hugdu at videobrotunum, ið Nudlavirkið framleiddi. Ikki færri enn 47.930 valdu at deila, dáma ella trýsta á eina mynd ella tekstbita um tiltakið, og 109.020 fólk hava fylgt við í tíðarskeiðinum, meðan Blue Fashion Challenge var.

Størstu hyggjaratølini vóru til stóru mótasýningina og til framløguna av sniðunum fyri dómarapanelinum. 9.700 hugdu at mótasýningini og 7.500 at framløguni.

Nudlavirkið sendi live á Facebook frá øllum døgunum meðan kappingin var, og vit løgdu eisini myndir og støðumetingar út, meðan kappingin var.

Umframt arbeiðið við at skapa innihald, so stóð Nudlavirkið eisini fyri online lýsingum, á Facebook vóru lýsingarnar fyri Blue Fashion Challenge vístar 17.702 ferðir og 1.239 ferðir kliktu fólk á tær.

Á Google vóru lýsingarnar vistar 655.000 ferðir og 825 fólk kliktu seg inn á tiltakið.

Jákup Sørensen samkipari

– Vit heittu á Nudlavirkið um at standa fyri on-line marknaðarføringini. Vit eru stak væl nøgd við teirra arbeiðið. Hvønn dagin vóru fleiri enn 100 vitjandi inni á gólvinum og hugdu at tí, sum sniðgevarnir gjørdu og til tey bæði tiltøkini leygardagin vóru nógv fleiri fólk, enn vit høvdu væntað og vónað. Og so ikki um at tala stroymingin, fleiri enn 50.000 fólk hava sæð stroymingina hjá okkum, tað hugsi eg ikki nakar kundi ímynda sær, segði Jákup Sørensen, hjá Nora, ið samskipaði Blue Fashin Challenge.

The fashion show and announcement of the winners, Blue Fashion Challenge 2017 🏆

Опубліковано NORA 26 серпня 2017 р.

 

 

Hvat er XBRL?

Tá Taks stóð við avbjóðingini at kunna um, at partafeløg og smápartafeløg nú skulu lata sínar rokniskapir inn sum XBRL fílu afturat vanligu PDF fílunum, var tað uppskotið til átak hjá Nudlavirkinum, ið varð valt.

Hugskotið var at gera filmlýsingar, ið gagnnýttu manglandi vitanina um XBRL. Har man brúkar spontanu reaktiónina hjá føroyskum vinnulívsfólki, tá tey sóu stavirnir XBRL fyrstu ferð.

Sjálvt átakið bleiv ment í tøttum samstarvi við Taks. Filming og klipping var sum vant hjá Nudlavirkinum gjørt í samstarvi við Friisframe. Myndaverkstaðið tók stillmyndir og hjálpti við set design.

 

Blað til Nes kommunu

Í sambandi við, at Nes kommuna helt 50 ára føðingardagin, gjørdi Nudlavirkið í samstarvi við kommuna eitt nýtt blað um Nes kommunu.
Nudlavirkið hevur skrivað, samskipað og sett blaðið upp. Føroyaprent tók sær av at prenta, og myndirnar tók Beinta á Torkilsheyggi. Blaðið var útgivið á hátíðarhaldinum leygardagin 1. apríl.

Í blaðnum er eitt bland av praktiskum upplýsingum um kommuna, og hvat hendur í henni, og greinar um fólk og fyritøkur í kommununi. Nudlavirkið gjørdi eitt líknandi blað fyri kommuna í 2015.

Dukkuheimur til familjuna

Nudlavirkið hevur staðið fyri nýggja átakinum fyri RED Familja hjá Vodafone. Átakið sæst í miðlunum í løtuni, og umfatar alt frá netlýsingum til stórprent á handlarnar. Men berandi parturin av átakinum eru filmlýsingarnar, ið bróta upp úr nýggjum í føroyskum høpi, við dukkusjónleiki.

 

Hugskot: Nudlavirkið við Niels Una Dam, Poul Clementsen og Henning Nicodemussen
Framleiðsla: Nudlavirkið og Friis Frame
Dukkusmið – Anna Kristin Bæk, Laila Carlsen og Matthies Spielprodukte
Leikrit: Poul Clementsen, Niels Uni Dam, Eyðfinn Drewsen og Jensina Olsen
Pallmynd og props: FriisFrame
Leikstjórn, filming og klipping: FriisFrame
Dukkuførarar: Rakel Helmsdal, Durita Fagradal Augustinussen, Felisia J. Helmsdal, Hanna Vang og Niels Uni Dam
Røddir: Jensina Olsen
Lýsingalesari: Gunn Sloan Muller
Ljóð: Jón McBirnie og Jónas Bloch Danielsen í Studio Bloch
Hølið: Sjónleikarahúsið í Havn
Myndatøka: Beinta á Torkilsheyggi
Sniðgeving: Henning Nicodemussen á Nudlavirkinum og Gunn Sloan Muller

Kortið til trúgva kundan

Nudlavirkið hevur gjørt átak fyri Føroya Keypsamtøku í sambandi við nýggja FK kortið, og hevur tilnevnt átakið til eitt av ársins bestu.
At átakið hevur riggað er púra greitt út frá teimum nógvu limatekningunum, ið eru gjørdar umvegis heimasíðuna, ið Nudlavirkið somluleiðis hevur gjørt fyri FK.

Átakið tekur støði í teirri frálíku støðu, at FK hevur trúgvar kundar, ið vitja handilin støðugt. Tí var fokus sett á marknaðarføring inni í handlunum, sonevnda in-store marknaðarføring. Hetta varð gjørt við standarum og skeltum, ið vit hongdu undir loftið í handlunum, eisini vóru vøruskiljararnir í kassunum brúktir, og beinleiðis kundasamband.

Hetta riggaði sera væl, ikki minst orsakað av frálíku og vinarligu starvsfólkunum í FK handlunum kring landið. Umframt in-store brúktu vit sjálvandi FK blaðið, umframt lýsingar á Facebook og Google lýsingar, og hagtølini har lúgva ikki, føroyingar elska FK.

Við frálíku myndunum hjá Beintu á Torkilsheyggi av ómetaliga fittu familjuni og grafiska arbeiðinum hjá Gramar, var restin rein avgreiðsla. Nudlavirkið takkar fyri tilnevngina og ynskir FK til lukku. Um tit vilja atkvøða um ársins átak, so trýsti niðanfyri. ‪#‎vitahvatvitgera‬

Atkvøð her

At marknaðarføra eina veruliga success

Tað hendir seg, at man fær uppgávur, ið man longu frammanundan veit, at her skal ganga øgiliga illa, skal hetta ikki gerast ein success. Soleiðis var við Havnarkortinum.

Kunningarstovan í Havn setti seg í samband við Nudlavirkið, tá gávukortið til yvir hálvthundra handlar í Havnini skuldi marknaðarførast upp til stóru jólasøluna.

Festi hevur sniðgivið sjálvt kortið. Nudlavirkið fann saman við Kunningarstovuni navnið, og stóð fyri kampanjuni fyri kortið.

Vit valdu at kampanjan skuldi endurskapa eina hugnaligan handilstúr, saman við dugnaligu myndakvinnuni Beintu á Torkilsheyggi, ið vit javnan samstarva við.

Beinta telist millum tey myndafólk, ið best dugur at skapa myndir við kenslum og stemningum. Saman vitjaðu vit handlar, kaféir og onnur støð, har Havnarkortið kann brúkast og tóku eina røð av myndum, ið gjørdust berandi í kampanjuni.

Google lýsing

Google lýsingar verða vístar kring alt alnetið, eitt nú, tá tú vitjar BT.dk

Vit valdu at lýsa í Kringvarpinum, við skeltum, á flyers, á portalum og á Google ads og Facebook. Eksponeringin var soleiðis sera umfatandi og fólk tóku væl ímóti kortinum, ið gjørdist ein av best umtóktu jólagávunum í ár.

Her stóð Nudlavirkið fyri allari framleiðslu, eitt nú av skeltum, sjónvarps-, útvarps- og netlýsingum. Umframt framleiðslu av flyers. Prentið stóð Føroyaprent fyri.

skermarhavnarkortidEitt talgilt kort krevur eisini eina heimasíðu, har til ber at kanna saldo, lesa um, hvar tað kann brúkast og annars kunna seg um kortið. Hesa heimsíðuna framleiddu vit somuleiðis. Vitjið hana á havnarkortid.fo

 

Faldari og navn til Smæruna

Nudlavirkið hjálpti Starvsmannafelagnum við arbeiðinum at gera kunningartilfar um nýggja høvuðssætið hjá Starvsmannafelagnum, ið eisini skal húsa øðrum virksemi.

Saman funnu vit navnið Smæran, ið leitar aftir til virksemið, ið var í tí partinum av húsinum, ið áður hýsti handlinum Smæran.

Í sambandi við hesa verkætlanina arbeiddu vit saman við einum teknara, Gunn Sloan Muller, ið gjørdi frálíkar vatnlitstekningar til faldaran. Henning Hjalt Nicodemussen sniðgav og setti faldaran upp.

Føroyaprent stóð fyri prentinum.

Síggj faldaran her:

Snøgg lýsing fyri snøggan bil í snøggum tíðarriti

Wenzel, ið umboðar Volvo og Ford í Føroyum, skuldi hava lýsing í Kvinnu, ið telist millum snøggastu tíðarrit í Føroyum. Tí valdu vit saman við Wenzel at lýsa við tí ótrúliga snøgga bilinum Volvo V40. Volvo hevur fastar karmar at arbeiða innanfyri, og vit føroyskaðu tí hesa snøggu lýsing.

 

Tingið á skúlabonk

Mánadagin 2. november var temadagur í løgtinginum um miðlar og miðling. Nudlavirkið og ting.fo stóðu fyri degnum har 17 av tinglimunum luttóku, nógvir nýggir, men eisini fleiri av teimum meira royndu.

Dagurin var býttur í teori og praksis, har samskiftisteoriir, drúgvar royndir o.a. lá til grund fyri fyrilestrunum “Tit og fólkaræðið” og “At samskifta í miðlaða veruleikanum”. Harumframt var samskiftið um eitt tingmál gjøgnumgingið. Tinglimirnir sluppu eisini at royna seg við praktiskum royndum, bæði innan skriving av tíðindaskrivum og útvarpssamrøðum.

Afturmeldingarnar um dagin vóru sera góðar, og á Nudlavirkinum vóna vit við hesum temadegi, at  hava verið við til at brynja løgtingslimirnar til enn betur at røkja sítt starv. Hetta vísir eisini, at virðingin fyri samskiftisvinnuni og týdninginum av góðum samskifti er sloppin inn um tingsins gátt.

tingid2Fyrilestrarhaldararnir hava bæði teoretiskar og praktiskar royndir. Niels Uni Dam frá Nudlavirkinum, skrivaði sína serritgerð í politiskum samskifti, um miðling av torførum lógarmálum, lobbyismu og spunasmíð. Hann hevur harumframt royndir sum samskiftisfólk hjá Tórshavnar kommunu, sum journalistur í Miðlahúsinum og drúgvar royndir úr samskiftisvinnuni, har hann í nógv ár starvaðist á Sendistovuni, áðrenn hann fyri tveimum árum síðan stovnaði Nudlavirkið. Niels Uni hevur gjøgnum árini skipað fyri valstríðum fyri nógvum valevnum og fleiri ymiskum flokkum.

Árni Gregersen á ting.fo er ein av svervektarunum í føroyskum journalistikki, hann hevur drúgvar journalistiskar royndir, eitt nú sum sjónvarpsstjóri í Føroyum og redaktiónssjefur á TV2 Bornholm og sum blaðstjóri á Dimmalætting. Árni hevur sera drúgvar royndir við politiskum journalistikki, og hevur arbeitt nógv í tinginum fyri nógvar ymiskar miðlar, eitt nú Dimmalætting, 14. September, Sosialin og Sjónvarp Føroya. Eisini hevur hann havt starv sum politiskur journalistur á Christiansborg.

At marknaðarføra eina tøkniliga kollvelting

Tá Vodafone skuldi kollvelta fartelefon marknaðin við 4G, so var tað sum vant Nudlavirkið og 1XPetur, ið vórðu vald at menna átakið í samráð við Vodafone.

Átakið sæst á flestu miðlum í løtuni, umframt á Torginum í SMS, har kundar stóðu í røð fyri at royna 4G og skifta til Vodafone, tá Nudlavirkið kom framvið í dag

Í dag  hvarv stavnsbandið, ið telefeløg høvdu á telefonnumrum, tí kunnu fólk nú skifta felag og hald, uttan at skula skifta telefonnummar. Tí er tað vorðið nógv lættari at skifta nummar.

Átakið koyrir á nógvum ymiskum miðlum, ikki minst á sjónvarpsmiðlinum, har hendan lýsingin sæst. Tað er FriisFrame, ið hevur framleitt sjónvarpslýsingina saman við Nudlavirkinum og 1XPetur.